اليلة الثانية من قصة الف ليلة و ليلة

الليلة الثانية ))


وعندما حل المساء أقبلن الجواري .. يا كثرهن كثراه نمل يمشي
وبدأن بالشغل المعتاد .. دق ورقص وفلة جحش
والملك يطالعهن وماله خلق عليهن .. وبس يتذكر شهرزاد وسوالفها


وبينما هو كذلك اذ جاءت جارية واقتربت من الملك وجلست أمامه جلسة مثيرة للجدل ! << شعندها هيفاء وهبي
هنا نهض الملك ورفسها برجله والا هي تتدربا مع الارض
ويقوم الملك لحد ما وصل عندها ويرفع رجله فوق ويخبطها براسها !! << لعنبو دارك تراها حرمة مو صرصور


هنا اختبصن الجواري وقامن يركضن بكل اتجاه !
اللي تنقل عودها معها واللي تركض بصينية الخمر واللي انخشت ورا الكرسي , يا رجل اسكت غدن حوسه خخخ


عاد لما الملك هدى شوي قال بنفسه والله اني استاثمت في هالمسكينة , بس احسن خلها تأدب !
والتفت على الحرس وقال لهم أحضروا لي شهرزاد بالحال


فامتثل الحراس لأوامره واحضروها , ولما أتت ورآها الملك ورأى وجهها البشوش ابتسم وقال :
يا جعلتس بعد اللي بغيت اذبحها قبل شوي .. تعالي يا بعد مولاك تعالي


فعندما جلست بجانبه نظر اليها وقال :
سبحان من خلق الجمال ! .. أنتي يا امرأة من اين طبحتي علي << أمحق لغه خخ
فقالت : عندي لك يا مولاي قصة بنت كلب


فقال هاتي ما عندك يا تاج مولاك << مروق الحيوان .. لو تقوله تنازل عن العرش جا مطبح خخخ


قالت سأروي لك اليوم يا مولاي قصة ( سوات وبحر الظلمات ) << ورانا ورانا هالخبل


يحكى يا مولاي أنه كانت في أحد العصور التي مضت بحر عميق
وكان بالقرب من هذا البحر قرية صغيرة , وقد اعتاد سكان القرية على اصطياد السمك الموجود بها
ولكن فجأة يا مولاي , حدث أمر ما .. جعل جميع سكان هذه القرية يتفادون هذا البحر !


وذلك أن مجموعة من الصيادين قد اختفوا بعد ذهابهم لها , فأرسلوا خلفهم فرقة إنقاذ وكذلك اختفوا هم الآخرين !
<< مثلث برمودا مو بحيرة


إلى أن جاء يوم من الايام وذهب أحد الصيادين لكي يصطاد من البحر
وكان هذا الصياد اسمه سوات .. ولم يكن يعلم بأمر البحر ولا بإختفاء الصيادين .. بالعربي رايح على فاله الولد


وكان قد اشترى الطعم للسمك بجميع ما تبقى لديه من مال و أراد أن يعوضها بالصيد
فركب القارب وبدء بخوض هذا البحر حتى وصل إلى بقعة تأمل أن يجد بها شيئا ً
فأوقف القارب ثم ركب الطعم ورمى الصنارة وجلس ينتظر ..


بعد فترة بدأت الصنارة بالاهتزاز فرفعها سوات ولكنه لم يجد فيها سمكة .. وكذلك لم يجد الطعم !
فاستغرب سوات كيف أفلتت منه سمكة بعد أن كانت في متناول يده ..
ثم ركب طعما آخر ورمى الصنارة , بعد فترة اهتزت الصنارة فاستبشر سوات خيرا فرفعها فلم يجد شيئا !
لا السمكة ولا الطعم !


فكرر المحاولة وكررها .. حتى نفذ ما لديه من طعم .. وهنا قال من القهر :
والله للعن ابوكم يا عيال الكلب ! أصرف عليكم أنا


وبدا يجمع عدة الصيد وعزم على الرجوع خالي الوفاض , و أمل في أن يعوض ما خسره اليوم بالغد
وحينما وجه سوات قاربه نحو اليابسة , لفت انتباهه فقاعات تخرج من الماء


فلما دقق النظر .. قفزت سمكة كبيرة امام ناظره واختفت بالماء !!


هنا فها سوات قليلا وبدأ يسترجع ما رأى .. لقد كانت هذه السمكة ... لقد كانت ..
لقد كانت .. حورية !!
لم يصدق ما رأته عيناه .. !


فبينما هو كذلك ويقلب المسألة براسه .. والا تقفز ثلاث حوريات كل وحدة تقول الزين عندي خخخ
و جلس سوات ينتظرهن يطلعن مرة ثانية لكنهن ما طلعن .. وجلس وجلس لييين جا الليل ولا صار شي
وهو يفر قاربه ويرجع للشاطئ .


ويقعد سوات يومه كله ما كلم أحد ولا شرب ماء ولا شي .. بس جالس يفكر
<< بلاه شاف شي ما شافه بحياته .. خبركم هالحوريات ما غير بس الزعانف والباقي ربي كما خلقتني


الزبدة ويوم جا اليوم الثاني و الا هو من الفجر مجهز القارب ومجهز العدة وكل شي ..
ولا و جايب معه عدة غوص بدلة و اسطوانة أكسجين وهذيك حقت الرجلين , اللي كنها رجول بطه


المهم و يروح و يوجه قاربه للمكان اللي شافهن فيه وجلس ينتظر .. ولا طلعن
هنا قام لبس بدلة الغوص و جهز الاسطوانة وقط نفسه بالبحر ..


وبدا يغوص و يغوص لحد ما وصل لقاع هذا البحر العميق
ولما وصل لآخر شي لقى مثل الكهف و طالعه منه ذيل سمكة .. قال بنفسه أكيد هذي هي اللي لقيتها امس
و يروح و يمسك ذيلها .. أول ما مسك ذيلها قال
يا هلا والله بالطش والرش .. أنا طول ليلي ما نمت وافكر بتس


هنا التفتت الحورية عليه والا طلعت مو حورية طلع الشايب ملكهم هذاك أبو لحية ولابس تاج وبيده شوكه خخخ
قال : سيب العكرة يا واد


هنا تراجع سوات وقال : أعقب !! أبك انت من وين طلعت لي .. أعوذ بالله حتى هنا في هيئة خخخ
قال هيئه في عينك يا وسخ , أنا ملك البوحيرة هادي .. << حجازي خخخ
سوات : تكفى يا خادم الحرمين أقول روح بس روح صوت لي الحوريات اللي طلعن لي أمس
الملك : بلا في شكلك يا بدوي .. ايش اللي جابك للبحر يا متخلف , سيبنا لحالنا يا بويا .. ما عندنا حوريات في المكان هادا


سوات : ياخي استح على وجهك شايب شكبرك تكذب ..
أقول لك انا شفتهن البارح هنا والا وش جايبني .. جاي اشم هوا يعني , طلعهن اخلص علي !!


الملك : انتا تيفهم عربي ياواد .. قلت لك ماعيندنا حوريات .. أمشي من هينا !
هنا وضع سوات يده على وجه الملك ودفعه للخلف وقال :
يله مناك يله .. انت شكلك ما ينفع معك التفاهم


الملك : قد الحركة هادي !؟ .. طيب !


هنا الملك التفت على المغارة وصاح بأعلى صوته :
يا صدقه .. يا صدقه يا ولدي .. تعالا شوف مين جاينا هنا في البوحيرة !


سوات : صدقه ؟ خير يا طير خله يجي وربي ادعس على راسه .. يعني مخوفني بصدقه هذا


وبينما سوات ينظر الى المغارة , واذ بدئت فقاعات تخرج منها .. وبلمح البصر خرج شيئا منها بسرعة الطوربيد !
ولما التفت سوات والا طلع قرش أبو حلق مطرقه .. اثاري هذا صدقه


صدقه : أيوه يا بويا .. ندهت لي , ليه في حاجه هينا
سوات : لا لا مافي شي هذا بس سوء تفاهم طال عمرك
هنا التفت سوات على الملك وقال
توصي بشي يالغالي .. انا ماشي


الملك : رايح فيييين يا روح أومك , مش جاي على شان الحوريات حضرتك ؟
صدقه : هاه !! .. يبي خواتي !! يبي الحوريات خواتي !!
سوات : لا معاذ الله .. لا انا جاي اسأل عن شريط اسمه حورنيات .. بس الظاهر الشايب ما سمعني عدل
هذا شريط ديني اناشيد وفله حجاج , والا انا والله مالي بهالسوالف


الملك : انا مش أطرش .. انا عارف اينتا جاي على شان ايش .. بس لحظه
يا سمسم .. تعالي يا بنت تعالي بيسورعه..


شوي والا جايه الحورية سمسم ولابسه عباية وشيلة ونقاب وقفازات .. تشوفها تقول داعية
سمسم : ايوا يا بابا , ندهت لي ؟
الملك : بسم الله ما شاء الله .. شوفوا الاخلاق شوفوا الادب .. انا عارف ان بنتي لايمكن تترك زيها التقليدي
سوات : هين بلاك ما شفتها فوق .. والله ما غير الزعانف شي
الملك : اوسكت بلا بشكلك , بنتي واعرفها لا يمكن تعمل حاجه كدا والا كدا


شوي والا سمسم بدت تبكي .. وقالت :
انا آسفه يا بابا , انا ابي اعترف لك باللي عملتو ..


الملك : ايش بك يا بنتي !! ليش تبكي ؟ اتكلمي وجعتي قلبي !
سمسم : بابا أنا ... أنا ... أنا حامل يا بابا !!


سوات : فمان الله يالربع .. توصون بشي خخخ


سمسم : والرجل هذا هو السبب !
صدقه : @_@ انت يا بن الـ .. !
الملك : امسيكو لا يهرب


سوات : هاه !! والله مو انا مالي شغل قسما بالله .. !!


سمسم : كداب !
صدقه : لازم تصلح غلطتك يا قليل الادب ><
سوات : وهذي هي ... وانا قلت بس يبي يقطعني الحين , اشوا انكم منتو من ربعنا خخخ


الملك : يا صدقه .. أنده للمأذون بيسورعه يا ولدي
سوات : لحظه لحظه .. وش مأذونه يا علوه خير , تبي تزوجوني وحدة مدوجه ؟ لا والله معصي !
صدقه : تتزوجها غصب عن اهلك ! مش على كيفك هيا


سمسم : أقول منك لله بس .. ضيعت مستقبلي حرام عليك .. لازم تتزوجني T_t
سوات بينه وبين نفسه : يا جماعة هذي اخاف اني صحيح سويت لها شي
ما ادري اذا كان اللي يصير بالحلم يطبق بارض الواقع هذا شي ثاني .. لأني طول ليلي وانا افكر فيها
والله مدري كل شي جايز


وبينما سوات مفهي وهو يحاول استرجاع ذاكرته , انتبه على صوت الملك وهو يقول :
يلا يا سوات يا ولدي .. خذ مراتك وامشي من هينا
سوات : هاه
الملك : ايش بك ؟ خلاص انتا كتبت كتابك على سمسم .. وهذا المأذون جا ومشى خلاص
يلا يا ابني خذ مراتك وروح وخليها تعيش معاك


فنظر سوات ورأى صدقه واقفا ينظر إليه مكشرا عن اسنانه ..
فلم يجد له من مخرج سوا الرضوخ للأمر الواقع ..


فأخذها سوات و أكرمها .. ومع مرور الوقت بدأ بطنها ينتفخ شيئا فشيئا
وسوات يترقب بفارغ الصبر


وفي ليلة ممطرة .. << من عرفناك يا سوات وانت معلق على ذالكلمة .. بكل قصة حاطها خخخ
كل تبن .. وفي ليلة ممطرة
باغت المخاض سمسم وهي جالسة في بيتها مع سوات , فقالت :
يا سوات ساعدني , لا أستطيع التحمل .. خذني إلى بيت أهلي , أريد أن ألد هناك
سوات : أقول الخلا . ما عاد الا هي اوديك هناك .. خبلة انتي تبين ولدي يموت في البحر
هذا بزر راح يفطس تحت الما ما هو مثلتس ..


وراح سوات يجيب الطبيبة لكي تولد سمسمه << قام يدلعها خخخ أيه شعليييك أم العيال
وجلس سوات ينتظر بالخارج وهو يسمع صرخات سمسم وهي تتألم في مخاضها
وقد كان الجو عاصفا ً , والبرق قد ملأ السماء , والرعد قد هز الارض بصوته
فقال سوات : والله إن لأبني هذا شأن عظيم !


فبينما هو كذلك إذ سمع صوت فتح الباب , فخرجت الطبيبة
سوات : بشريني .. هل جاء ولدي !
فلم تجبه .. بل أشارت إلى الغرفة


فذهب سوات و دخل .. ولما دخل لقى سمسم وماسكه الولد وحاطته بفوطه وضامته على صدرها
سوات : مبروووك مبروووك .. و أخيرا أبصر النور .. عطيني اياه عطيني اياه خليني اشيله


فمدته إليه ..
ولما احتضن سوات الطفل , كشف الغطاء عن وجه , فلما رآه ..
سوات :












<< قال شأن عظيم قال خخخ


ولما حضر الغد .. لا وين الغد الا من ساعتها
أخذ سوات سمسم و الطفل وراح للبحر ويشوتهم شلوتي من القارب ثم لبس بدلة الغوص وراحوا تحت


وهم في الطريق .. التفت سوات على الطفل وقال :
أمشي يلعن أبو شكلك يا قذر .. يا قذر !!!
آه يا قلبي .. لا وانا انغشيت فيك , برق ومطر .. وشأن عظيم آخرتها تطلع فقمه !!


ولما وصلوا عند المغارة قام سوات يصيح و يصيح بأعلى صوته لحد ما طلع الملك
الملك : أيش بك أنت ؟ خير أيش فيه
سوات : خير ؟ و أي خير أعرفه من ورا بنتك هالسلقه .. شوف وش جابت .. شوف !


ويلتفت الملك والا شاف الفقمه , قال :
بسم الله ما شاء الله تبارك الرحمن , تعال لجدو يا واد .. تعال
طيب أيش المشكلة يا ولَدي ؟


سوات : انت مضبوط ؟ جد جد اكلمك .. أنت شارب شي داخل في المغارة ؟
الملك : وليه طيب يا ولدي , دا الولد زي القمر !
سوات : انت هيييييييييه !!! .. وشو قمر !! هذا فقمه فقمااااااااااااااه
جاهل عمره ست ساعات شنباته خاطه وين قاعدين خخخ


الملك : على شان شكله يختلف يعني ؟
يا ابني عادي , ما فيها مشكلة .. شوف انا على سبيل المثال .. ولدي سمكة قرش .. ايش المشكلة ؟
سوات : والله ياخي عاد اذا انت ديوث هذي مشكلتك .. اما انا لا والله , خلاص هذي بنتكم .. وهذا ولدكم , انا مالي شغل


وبينما هم كذلك , اذ مر بجانبهم فقمه متعافيه .. هالكبر علباه
ولما شاف الولد جا يركض و يخم الولد وجلس يبكي .. وشوي والا تجي سمسم وتجلس معهم وتبكي


سوات : ما شاء الله .. فلم هندي , بالله يا سمسمه .. هذا ابو الشباب هاه .. هذا الجو بتاعك
آخخخخخخخ تفووووووو عليكم يا حثالة .. لابوكم لا بو كلب لا بو اللي يركض ورا البنات يلحقهم !


فصاح الديك معلنا ً قدوم الصباح .. وسكتت شهر زاد عن الكلام المباح