تكملة قصة الف ليلة و ليلة

وهكذا استمرت شهرزاد بسرد القصص للملك وهو يصغي إليها , وقد ازداد تعلقا ً بها

حتى أتت الليلة رقم 1000

قال الملك : يا شهرزاد , أريدك أن تقصي علي قصة .. لم يسمعها أحد من قبل !
قالت : غالي والطلب رخيص يا مولاي

سأخبرك بقصة " سوات البصري والاربعين حرامي " << خخخ لا تعليق

الملك : أنتي يوم أنك بلشتينا بسوات هذا وش عندك هاه ؟؟
يخرب بيته والله لو انه بسبعين روح , وبس دوم مفقر دوم ما عنده فلوس .. شلون عايش هذا
لا لا غيري غيري .. مليت والله حامت تسبدي , شوفي أي قصة ثانية

فردت عليه " حسنا حسنا ً لك ما طلبت , بس هاه .. ترا آخر قصة هذي غيرها خلاص ما في عندي "
يحكى أيها الملك الغثيث أن ... ( كوكو كووووووووووووووو كووووووووووو )
قال الملك : وش هالديك اللي خش عرض بهالوقت ؟؟
فنظر إلى ساعته الكاسيو أم أرقام إلكترونية فوجدها تشير الى الحادية عشر ليلا ً

فأردف الملك قائلا ً : أكملي يا شهرزاد .. لم توقفتي ؟!
فبدأت شهر شهر زاد بالايماء برأسها فوق وتحت مثل الهنود اذا ما استوعبوا وهي تقول " أيس فيه "
قال : كملي يالخبلة وش فيك تنحتي .. ؟
قالت : وش اكمل طلع الصبح , حلا هي .. خلاص الديك صاح , يلا يلا امش انقلع بكره أجيك
فنهضت ومشت مبتعدة .. وجلس الملك وحده حتى مل

فقال للحرس ياحراس .. احضروا الجواري << ابو طبيع ما يجوز عن طبعه خخخ

وحظرن الجواري مستانسات وتجمعن ويعيدون الأسطوانة هز ورقص ..
ولمح الملك جاريه واقفه عند الباب وهي تنظر إليه بخوف

فسأل الجاريه اللي تهف بالمهفه عند راسه وقال :
من هذيك اللي واقفه عند الباب !! .. وش بلاهلا هلون ؟

وقالت الجاريه وهي تضحك : امداك نسيتها .. هذي اللي هاك اليوم توطيت ببطنها

فنظر الملك لها وقال : اقتربي يا زمرده اقتربي لا عليك
واقبلت زمرده وهي رافعتا ً يدها ووضعتها على وجهها << فاضخن قلبها الفاجر خخخ

فقال لها : أجلسي بجانبي .. لا بأس عليك
ثم التفت الى الجارية اللي شايله بيدها صحن الخمر وقال :
يا مرجانة أسكبي لها قدحا من عصير العنب

ثم سأل زمردة : الان يا زمردة .. أبيك تقولين لي قصة
زمردة : قـ .. قصة
الملك : أيه قصة ! .. و أبي قصة حلوة بعد !
زمردة : حـ .. حسنا ً يا مولاي .. لـ .. لك ماطلبت

وتوجهت إلى منتصف القاعة .. ورفعت ايدينها بالهوا .. وقامت تهز وسط << ما يعرفن غير الرقص خخخخ

وقال الملك : والله للعن ابو من جمعكم يا النور .. ابي شي ثاني غير الرقص تعرفون له !!؟

وقالت وحده منهم وهي مبتسمه " نجيد التانغوا ايضا ً ! "

هنا الملك فقد أعصابه ويقوم من عرشه ويبدا دبغ بهالجواري .. والزبدة مدري شلون وتنحاش زمردة مع الباب
ويقوم الملك ويخمط سيف معلق بالجدار وياخذ غمد السيف ( جفيره ) وبدا يلحقها بهالممرات اللي بالقصر
و كل ما قرب منها لسبها مع أذنها لين غدا لها صياح المسكينة , والجواري قامن يركضن و يتداوجن بهالقصر
وكل ما دخل الملك غرفة تناحشن هالجواري <<< يا ليل السلح .. تخيل ملك يلحقك يبي يدبغك خخخ وين تنحاش


الليلة الواحدة بعد الألف
(( الليلة الأخيرة ))

وفي هذه الليلة .. القصر يصفر من الجواري ( حرام مابه احد .. ما غير العسكر على البوابات )
وصاح الملك للحرس .. وسمع صداه يردد بالقصر يومين

الزبده اقبل الحارس وهو يتنافض .. فقال له الملك : وين طيرة شلوى .. وين شهرزاد !
ورد الحارس : والله يا مولاي ما هقوتي أن به أنثى بهالقصر .. والله يا انت رثعت بهن البارح
صدقني كل المستشفيات فل من هالجواري اللي كفرت بهن !!
لعنبو ابليسك .. يقولون ان زمردة انجنت و انهرد عقلها والحين جالسين يجهزون لها غرفة بمستشفى الامراض العقلية
راح تدخلها بس تطلع من الانعاش , هذا ان طلعت خخخ

الملك : أقول لا يكثر , ورح شف لي شهرزاد خلها تجي

العسكري : يا مولاي جعلني ما اذوق حزنك .. يقولون ان شهرزاد مريضة و مسخنة وجايها مغص ببطنها
الملك : ويحك !! ما هذا الكلام ! طيب من متى هالحتسي <<< أبوك يالتناقض , شكله يعاني من انفصام بالشخصية الحبيب
العسكري : وش مدريني , قالوا لك أم لها يومك تنشدن عنها !! .. هذيك هي بالغرفة تتلوى , تبيها رح لها وبقريح أنت وياها !!
قالها العسكري وهو مقفي ويسب ويشتم ويلعن الساعة اللي توسط له ولد عمه وشغله بالقصر ! << وش عنده قفلت معه !؟

من سمع الملك هالكلام وهو يقوم و يلبس سرواله وينطلق لغرفة شهرزاد <<< و أنا أقووول ليه العسكري زعل خخخ

ولما دخل الملك على شهرزاد لقاها متمغطه على السرير وهي تون
" إلحق علي يا مولاي .. بطني يوجعني من العصر مدري وش فيه "
الملك : وش أنتي بالعه يا ملا اللي .. وبس تدوجين بهالقصر وكل ما شافته عينتس سفيتيه , لعنبو دارتس صخلة أنتي

ويصيح الملك : أيها الحارس .. تعال إليّ بالحال !!
ويوم جا العسكري قال " هاه .. شعندك !؟ "
قال : أبيك هالحين تنطلق و تروح تجيب أفضل طبيب بالبلاد .. ولا تتأخر
و أدبر العسكري وراح يمشي وهو يتحلطم ويسبسب ثم التفت على الملك وقال :
ياخي بالله شف لك صرفة مع لبسك .. مرة سلط ملط ومرة سروال مشقوق .. يا خي قرفتنا بعيشتنا الله يقرفك ! .. أمحق ملك

وما هي الا لحظات حتى أقبل العسكري ومعه الطبيب وقال العسكري :
هذا هو بالغرفة خش عليه , أنا ماني خاش الله يدبل تسبده , ما صدقت أنسى هالبلاوي

و دخل الطبيب عليهم فقال :
اللهم صلي عالنبي , دي زي الفل يا قماعة
وفتح الشنطة وطلع السماعات ثم التفت على الملك وقال :
دي مراطك ؟
الملك : لا ..
الطبيب : أمال دي أخطك ؟
الملك : لا ماهي أختي
الطبيب : ألااااه .. مش مراطك مش أخطك ! ... أمال دي مييييييييين !!؟
الملك : ياخي مو شغلك !! أكشف وانت ساكت .. أعوذ بالله ياحبكم للسوالف
إلتفت الطبيب على شهرزاد وقال : بتحسي بأيه يا شاطرة ..
شهرزاد : أحس أني أبي أطرش ..
التفت الطبيب على الملك وقال : يعني أيه بتطرش دي ؟؟
الملك : يعني هذا أكل كلو برا
الطبيب : كلو برا ؟؟ أيه يعني كلو برا ؟ ... اها يكونش أصدك عاوزه ترقع مش كده ؟ .. طيب معليش
الملك : أقول عندك سنع أنت والا بس كذا !!
الطبيب : ألاه ألاه ألاه ! .. لزوموه أيه الكلام ده يا ريس .. دنا خريق قامعة هامبرورق بفرنصا
الملك : هامبورج بفرنسا ؟؟ .. أقول والله مدري عنكم انتو وشهاداتكم تحكرونها بالفوتوشوب وتجونا هنا
الطبيب : فوتوشوب !! أنا أعمل شهادتي بالفوتوشوب !!!! فشر ! دنا أزبطها بالرسام زي الحلاوة واللهي

وفي هذه الاثناء , وبينما هم يتجادلون .. شهقت شهرزاد شهقة فماتت على أثرها

والتفت الطبيب على الملك وقال : تكونش ماتت البنت
الملك : لا خذت لها غطه شوي تبي تقيل .. أيه ماتت يابن الكلب
الدكتور : لا دي ما ماتتش ولا حاقه
الملك : أبك كيف ما ماتت , الا شبعت موت بعد !
الدكتور : ياخي انتا اسمع كلامي بس .. يا اللـــــــــه , انتو ليه معأدين كده
بص حضرتك .. انتا بوكره الصبح .. تديها الدوا ده .. وان شاء الله ان شاء الله حتبقى زي البومب
وعبال ما كون انا حجزت تزكرة بطيارة وسافرت
الملك : شايفني خبل قدامك ! .. يا حرس ! قطوه بالسجن !!
الدكتور : روح يا شيخ .. ربنا يسامحك